Кумановка тешко повредена во сообраќајна незгода

Сообраќајката се случила во 13.50 часот на ул. „Тоде Думба“, кога автомобил „Рено“ со кумановски регистарски ознаки, управувано од Б.В. (67) од с.Старо Нагоричане, удрило во пешакот Г.Т. (65) од Куманово.

Жената се здобила со тешки телесни повреди–опасни по живот. По укажаната лекарска помош во Општа болница Куманово, како итен случај била пренесена во Ургентниот центар Скопје.

Увид на местото на настанот извршила екипа од СВР Куманово.