Куманово ќе спроведе дополнително мерење на загаденоста на воздухот

„ Ќе извршиме вонредно мерење на неколку локации и ќе направиме споредба со резултатите, по што ќе го знаеме реалното загадување во градот. Мерната станица за аеро загадување е поставена во дворот на Општата болница Куманово, во близина на болничката топлана, која единствена работи на мазут. Поради неадекватаната позиција на станицата сметаме дека резултатите не ја отсликуваат вистинската состојба со загаденоста. Ние сме далеку од најазагаден град и во Македонија, а камоли во Европа. Па во Куманово не работи ниту една фабрика ниту пак имаме некој голем загадувач, а најголемите локални институции ни се приклучени на гас. Анализите покажуваат дека Куманово е на 7-8 место во државата по загаденот, а пред нас се Кавадарци, Битола, Скопје, - вели градоначалникот Зоран Дамјановски.

Советот на Општината Куманово на вонредна седница побара општината да изработи катастар на загадувачи во градор и да побара од Министерството за животната средина да постави уште една мерна станица во градот.