Кумановски средношколци на карневал во Струмица

Со оригинална групна маска кумановци беа дел од големото карневалско дефиле, кое траеше 4 часа, а со свои маски се претставија повеќе од 2.000 учесници од земјава и странство.

Повеќе од 20.000 посетители имаа можност да видат разновидни креации и музичко-сценски настапи, кои носеа пораки на љубов, забава, игра, чување на природата, културата.

На манифестацијата учествуваа и карневалџиите од Словенија, Црна гора, Србија, Бугарија, Албанија,  Русија и Аруба.

Најдобрите маски ќе бидат прогласени во вторник.

Ученици од Куманово неколку години по ред учествуваат на Струмичкиот карневал и секогаш се претставуваат со оригинални маски, кои предизвикуваат внимание кај посетителите.