Левица бара да се исплатат заостанатите плати на вработените во „Чистота“
Поради неодговорноста на политичките субјекти кои партиципираат во јавните институции и претпријатија како на републичко така и на локално ново, притоа трошејќи време и енергија на тривијални теми, виталните процеси во општеството остануваат закочени а штетата ја трпат граѓаните, реагираат од партијата Левица.
Како најсвеж пример го посочуваат штрајкот на врaботените во ЈП "Чистота и Зеленило", поради неисплатените последни две месечни плати и предупредуваат дека доколку надлежните дозволат оваа ситуација да потрае, граѓаните на Куманово ќе се соочат со огромен проблем, а градот ќе се затрупа во смет.
„Затоа Левица упатува апел, до надлежните институции: УЈП и ЈП "Чистота и Зеленило" веднаш да изнајдат решение. Срамно е, надлежните да си дозволат ситуација во која немаат исплатено две месечни плати на вработените и во која граѓаните и градот можат да се соочат со хигиенска катастрофа, иако граѓаните секој месец плаќаат за услугите на JП "Чистота и Зеленило". Уште посрамно ќе биде, доколку лицата кои се наоѓаат на раководни функции во инволвираните институции и претпријатија не понесат морална и политичка одговорност поради ваквата состојба“, -стои во соопштението на Левица.
НАЈНОВИ
-
Противпожарно возило со хидраулична скала донација од Австрија ќе добие Куманово
-
Не работи мерната станица, не се знае колкаво е загадувањето на воздухот по вчерашниот пожар во Куманово
-
Започнува 39-то издание на Меѓународната ликовна клонија "Свети Јоаким Осоговски“
-
Четворица повредени, тројца малолетници и возач, во сообраќајка во „Ајдучка Чешма“
-
Осум часа пожарникарите го гаснеле отпадот на „Индустриска“
-
Пожар во отпад за возила, црн облак од чад го покри Куманово
