Мирно помина протестот “Правда за Алмир“

Претседател на здружението ЗАНИ (Глас), Бекон Лимани порача дека граѓаните очекуваат правдата да биде задоволена, а случајот да не се политизира.

„ Загубата  на животот на едно дете не може да се компензира за ништо, но максималната казна на сторителот ќе ја намали болката на семејството. Апелираме до сите политички субејкти да ги остават политичките интереси на страна и на прво место да го стават општествениот интерес,- изјави Лимани.

Протестот започна во 15 часот од пред поранешната зграда на ЗИК, по што продолжи по улиците во централното градско подрачје и заврши пред Кумановскиот суд. Граѓаните носеа слики од Алмир, а собирот помина мирно.

„ Државата сега е на потег да го покаже своето вистинско лице, дали правдата во Македонија е за сите иста или е селективна. Барам законите да бидат построги за да не случуваат вакви трагедии,- вели Авди Авдиу, граѓанин.

На случајот да не му се дава етничка конотација побараа и семејството Алиу и родителите на Бобан.

Инцидентот се случи минатата сабота кога поради банална расправија и физичка пресметка, беше прегазено 4 годишното дете и неговите родители. Бобан доби 30 дена притвор.