На Табановце Бугарин фатен со 22 кила марихуана

Синоќа во 23.20 часот, при детална контрола на возилото со помош на царинско куче, во долниот дел од возилото кај резервната гума, во резервната гума под предните калници, во вратата од багажникот и под пластиките од задните седишта пронајдени се 40 опаковки обвиткани со леплива трака и алуминиумска фолија. Опаковките биле исполнети со зелена тревкаста материја. По извршено мерење и тестирање со тестер за дрога, констатирано е дека се работи за 21,7 килограми марихуана.