Нападнато и ограбено момче на Градскиот кеј

Разбојништвото се случило околу 20 часот кога Б.К. (18) од Куманово пешачел на кејот. Пред него излегло лицето А.Д. од Куманово и побарало да му даде пари за лаптоп. Откако Б.К. му рекол дека не му должи никакви пари А.Д. го удрил неколку пати со шлаканица во пределот на лицето, го фатил за јакната и влечејки го турнал на земја. Потоа му ја одзел јакната каде имало мобилен телефон и полнач за телефон, по што побегнал од местото на настанот. Се преземаат мерки за целосно расчистување на случајот.