Не е расчистено свлечиштето кај Страцин

Кај селото Страцин, на патот има континуирано свлечиште од кал и земја кое зафаќа една лента од коловозот. Се препорачува внимателно возење, прилагодување на брзината и следење на поставената сигнализација.

На патниот правец Крива Паланка – граничен премин „Деве Баир“ кај селото Узем поради одрон зафатена е една коловозна лента во должина од 15 – 20 метри. На самото место поставена е соодветна патна сигнализација, а екипите на „Македонија пат“ работат на расчистување на коловозот и нормализирање на сообраќајот.