Нема обвинение за претседателот на кумановскиот суд

Според Јавното обвинителство на Република Македонија, истражната постапка за Сулејмани и останатите 11 лица е во завршна фаза, односно се сослушуваат сведоците.

Претседателот на Основниот суд Куманово е уапсен на 8 октомври 2015 година во акцијата „Удар„. Според тогашни информации на МВР, претседателот соработувал со криминална група од Арачиново и Студеничани што се занинавала со изнуди, лихварство, трговија со дрога и оружје и криумчарење мигранти. Организаторот на криминалната група контактирал со претседателот заради посредување во судски предмет за убиство во 2012 година. Притоа, член на семјството дал 24.000 евра за поткуп на претседателот, со цел да се ослободи од затвор еден од извршителите. Претседателот примил 19.000 евра, а за возврат дал насоки како да се однесуваат во постапката.

Како што дознаваме случајот на Сулејмани го води обвинителот за Диво Насеље, поради што се смета дека доцни покренувањето на обвинителниот акт.

По апсењето на Сулејмани во Кумановскиот суд за в.д. претседател е назначен Беџет Елези.