Нови книги во кумановската библиотека

„Се работи за редовна набавка на белетристика, што секоја година библиотеката ја врши по завршување на саемот на книгата што се одржува во Скопје и на кој се изложуваат најновите наслови од македонската издавачка продукција и преведена литература, познатите светски бестселери, - изјави директорот Марјан Петковски.

Книгите се набавени од десет издавачки куќи, а потрошени се 245 илјади денари.

Ова е прва од трите набавки на книги што Библиотеката редовно ги врши во текот на годината. Следната набавка е предвидена во месец септември со која ќе бидат опфатени лектири за основно и средно образование, а пред крајот на годината ќе се реализира уште една набавка на белетристика.