Одбележан Денот на градот - 11 Ноември

На Свечената седница беа врачени Ноемвриските наградите, а на Спомен костурницата на паднатите борци од НОБ, свежо цвеќа положија претставници од Сојузот на борците, локалната самоуправа, АРМ, МВР, политички партии, невладини организации, ученици и граѓани.

„Куманово е светлата точка во антифашистичката борба, тука беше првото востание на 11 Октомври, формирањето на државата и одржувањето на АСНОМ. Куманово е симбол на слобода, просперитет и демократија„ - рече градоначалникот на Куманово, Зоран Дамјановски.

Ноемвриски награди добија: Рамо Рашидовски, култура, Мирослав Крстевски, директор КУД „Панче Пешев“, Неџат Акифи, новинар, Филип Колевски, тренер-атлетика, Верица Петровска, поетеса, Ваит Саити, директор во ЈП „Македонски шуми“, а правни лица Кумановски акцијаши и Радио „Бум“. Градоначалникот додели награди и на Димитар Масевски, публицист, Горан Стојковски, раководител на ЦУК, Никола Томовски спортист и рекламна агенција од Скопје.

На одбележувањето на Денот на градот присуствуваа делегации од збратимените градови на општина Куманово, меѓу кои од Кампина, Драч, Саранда, Бјелина, Никшиќ, Чукарица и Беране.

Во Уметничката галерија во Куманово синоќа беше отворена изложбата „Кумановски ликовни уметници“, а на градскиот плоштад  концерт одржа групата Милиграм.