Одбележан патронатот во „Христијан Карпош“

По тој повод во училиштето беше организирана приредба за гостите, а пред присутните се обрати директорката Лидија Костиќ.

„Денеска нашето училиште празнува 58 години успешно опстојување и работа. Горди сме што го носиме името на козјачкиот херој Христијан Карпош. Оваа година приредбата е под мото Детскиот свет каде што нашите ученици под менторство на наставниците подготвија убава програма, за прв пат оваа година прикажуваме и соработка со други инситутции кои го носат името на Карпош. Наши гости се играорците од КУД Карпош и ќе настапи со една точка, ќе ни ја збогати приредбата, - изјави Костиќ.

Директорката вели дека во училиштето постојано се внесуваат новини во работата со учениците, а особено се горди на проектите кои даваат резултати.

Сега работиме нов проект преку Еразмус плус, каде има размена на ученици и наставници со седум други држави во Европа. Проектот МИО продолжува преку обука на вработени за одржување на училишни објекти, добивме опрема, зимско кампување на ученици, резултат на соработката се и прозорците кои се целосно заменети. Сега засега сметам дека успешно функционираме,- додаде Косиќ.