Отворена стечајна постапка за Кумановската циглана

Според стечајниот управник Зоран Денковски, стечајот започнал кон крајот на декември со објава во Службен весник, кога се повикани сите доверители да ги достават своите побарувања. Потоа ќе се одржи собрание и ќе се утврди имотот со кој располага комбинатот, по што ќе се одлучи за натамошниот тек на постапката.

„КИК Куманово не работи од 2009 година, нема вработени и располага со незначителен имот. Пред 5 години производствените капацитети и друг имот се преземени од друга фирма „Тргопромет-Тони„, по основ на извршни решенија поради ненаплатени долгови, - изјави Денковски.

Кумановската циглана беше една од најголемите на Балканот, приватизирана е во март 2001 година од грчка и македонска фирма, а  во јавноста за вистински газда се сметаше ексдиректорот на Царината Драган Даравелски.