Пациент починал во расипана кола на Брза помош

Едниот од пациентите починал по наплатната рампа Романовце, а другиот малку подоцна откако им се расипало возилото на автопатот Куманово-Скопје.

“Двајца пациенти во критична состојба се примени во нашата служба за итна медицинска помош, кои веднаш се препратени во Кумановската болница. Таму починал еден од пациентите, а вториот кој исто така бил во критична состојба е препратен во Скопје. На патот за Скопје настанал дефект на возилото откако ја поминале наплатната рампа кај Романовце. И овој пациент кој бил во тешка здравствена состојба починал. Веднаш е побарана помош од Куманово и Скопје. Од Скопје стигнало возило но за жал пациентот веќе починал, - велат од Кривопаланечката болница за СДК.мк.

Од болницата велат дека пациентот бил во многу тешка состојба и дека дефектот на амбулантната кола не е причина за неговата смрт. Едниот од пациентите имал сериозно белодробно заболување, а другиот компликации по трансплантација на бубрег. Денеска ќе се знае што се случило со возилото, кое е старо повеќе од 30 години,  дали откажалче кочниците или пукнала некоја сајла. Присебноста на возачот допринела амбулантното возило да не излета од патот.