Полицајци во цивилка го нападнале пратеникот Максим Димитриевски

Нападот се случил во кафеаната „Палас“ во Куманово,кога неколку лица, меѓу кои и полицајци,  под дејство на алкохол, прво го провоцирале, а потоа тргнале физички да се пресметаат со него.

Успеал да се одбрани, по што влегло обезбедувањето во локалот.

На местото на настанот била повикана полиција. На Димитриевски не му е познато дали некој е приведен по инцидентот, на кој биле сведоци сите присутни во кафеаната.

Од МВР велат дека кај нив ноќеска од вработен во кафаната е пријавен случајот и во билетенот е заведен како нарушување на јавен ред и мир. 

Кумановската полиција работи на расветлување на случајот по што ќе
излезат со повеќе информации.