Продолжи штрајкот на судската администрација

И денеска вработените беа на своите работни места, но не ги извршуваа секојдневните работни обврски. Се работат само итните предмети и тоа предмети во кои има притвор, странски елемент, времени мерки, тестамент и се издаваат уверенија за странство и за вработување.

Околу пладне, вработените излегоа пред зградата на Судот да го изразат својот револт од игнорантскиот однос на власта.

 Од синдикатот велат дека протестот ќе трае до исполнување на барањата на администрацијата.