Пролонгиран рокот за поднесување даночни пријави
Управата за јавни приходи го продолжи за пет работни дена роковите за поднесување годишните даночни извештаи и ДДВ-04 пријавата, поради, како што велат, масовното и отежнато поднесување даночни пријави и извештаи.
„Согласно Законот за даночна постапка, во услови на масовно, а отежнато поднесување на даночни пријави и извештаи преку системот е-Даноци, се известуваат даночните обврзници и сметководителите дека роковите за поднесување на ДДВ-04 пријавата и Годишните даночни извештаи се продолжуваат“, соопшти УЈП.
УЈП информира дека крајниот рок за поднесувањето на ДДВ-04 пријавата, кој истече вчера, се продолжува до 1 февруари, додека краен рок за годишните извештаи (обрасци ПДД-ГИ/ОЗП, ПДД-ГИ/ОЦО, ПДД/ГИ-ЗП, ПДД-ГИ) ќе се смета 7 февруари, место 31 јануари.
Изминатите неколку дена, сметководителите се жалеа дека системот на УЈП не функционира и не можат навреме да ги поднесат даночните извештаи и пријави.
НАЈНОВИ
-
Шест лица затруeни со храна во кумановски ресторан додека биле на семинар
-
Објавен конкурсот за изложбата „Скици 2025“
-
Српска странка со кандидат за градоначалник и советничка листа во Старо Нагоричане
-
Откриена злоупотреба при регистрација на половни возила од увоз - кривични пријави за 11 лица
-
Меѓународна изложба на расни кучиња во Куманово
-
Во Куманово вложивме 12 милиони евра за инфраструктурни проекти, кажа премиерот Мицковски
