Во Крива Паланка промоција на книгата „Убавината на болката“ од Никола Митовски

„Убавината на болката“ е дело кое искрено и длабоко ги обработува темите на љубовта, болката и внатрешните тишини, преточени во поетски израз. Книгата носи порака дека секоја болка може да се претвори во уметност, а секоја темнина – во светлина.

Промоторка на книгата ќе биде кривопаланечката поетеса Емилија Колевска, а ќе се обрати и рецензентот, кумановскиот поет Ален Милковски. Стихови од книгата ќе читаат Ангела Илиевска, Сандра Колевска и Ива Додевска.

Првата промоција на делото се одржа во Скопје, во рамки на овогодишниот Саем на книга во арената Спортски центар Борис Трајковски.
Митовски, роден во Скопје во 2007 година, а израснат во Крива Паланка, со оваа книга го продолжува својот препознатлив стил, градејќи силен емоционален наратив.

Неговото прво дело „Ехо на љубовта“ беше објавено во 2025 година, а зад себе веќе има бројни награди и признанија на локално, регионално и меѓународно ниво. Активен е во културниот и младинскиот живот, како член на Локалниот младински совет при Општина Крива Паланка и литературниот клуб „Калин“.