Протестираше кумановската судска администрација

Дел од административците протестираа на работните места, а дел излега пред зградата на судот.

“Барањата се познати зголемување на платата од 35 проценти, како што е тоа направено за јавното обвинителство и за судиите.Нашето барање помина на седница на Влада, добивме одобрение од Судскиот совет и сега се закочи работата кај Министерство за финансии, но се надеваме дека преговорите ќе продолжат и дека нашите барања ќе бидат исполнети. Опструкции немаме, ни од страна на судиите, ниту од страна на вработените. Така што се тече добро, сега за сега немаме проблеми, - изјави Синиша Ќириќ претседател на синдикална организација на Основен суд Куманово.

Судот за време на штрајкот ќе работи само за итните предмети и тоа за предмети во кои има притвор, странски елемент, времени мерки, тестамент и ќе се издаваат уверенија на граѓани за странство и за вработување.

 Протестот ќе трае до исполнуивање на барањата на администрацијата.