Пукнала гума на камион повредила вулканизер

Несреќата се случила вчера околу 11.30 часот, во вулканизерска работилница на ул. „Бранко Богдански Гуцман“, додека Љ.В.(52) од Куманово пумпал гума од камион -влекач „Ман“ со кумановски регистарски ознаки. Гумата била поставена на машина, но од непознати причини пукнала и вулканизерот паднал на земја, при што се здобил со тешки телесни повреди.

Веднаш бил пренесен во Кумановската болница, каде е задржан.

Увид на местото на настанот извршила екипа од СВР Куманово во содејство на државен инспектор за труд, безбедност и здравје при работа. Се преземаат мерки за целосно расчистување на случајот.