Родители бараат поголема безбедност за своите деца во „Толи Зордумис“

Сакам да апелирам до сите институции, сите луѓе и родители што денеска се тука и на вас новинарите, ова да биде прв и последен случај, да не се дозволи на ниедно дете тоа да му се случи. Сите сме родители, -изјави Александра Петковиќ, мајка на претепаниот осмооделенец.

Насилството се случило во петокот, кога група средношколци Албанци го пресретнале ученикот и му се нафрлиле да го удираат со тупаници и клоци по главата и телото. Детето се онесвестило, по што минувачите побарале помош и го однеле во училиштето. Насилниците побегнале, а полицијата работи на нивно пронаоѓање.