Сајтот на општината не се ажурира редовно

На ова се почесто се жалат граѓаните, правните субјекти, но и невладините организации.

„Како пропуст забележавме дека веб страната на општината редовно не се надополнува со сите оние службени гласници, па мора да користиме приватни врски и да одиме во општината да ги бараме, наместо да ги  најдеме на страницата. Тоа е посебнио важно за нас, - велат од невладините организации.

„Интернет страницата е место каде треба да се информираме за работата на локалната администрација, градоначалникот и советот, но таму треба да ги најдеме и услугите кои ги врши општината. Бидејќи нема секојдневно поставување на информации ретко го отворам и не сум задоволна,- вели Александра С.  

На страницата kumanovo.gov.mk, последната информација е објавена на 9 јуни, за осветување на црквите во селото Горно Којнаре и Пчиња. Веќе 12 дена нема нови активности.

Во општината Куманово функционира одделение за информирање на јавноста и во него се вработени неколку луѓе кои треба редовно да го ажурираат сајтот.