Сакал да го убие поради сообраќајка

Инцидентот се случил вчера во 19 часот на ул.„Тоде Мендол“,  кога Р.З.(50) пукал кон Б.Р.(26)  додека се возел во неговиот „Пасат“ со кумановски регистарски ознаки. Во возилото се наоѓал   и сопатникот С.М.(25) од Куманово. Притоа два проектила го погодиле возилото, во предната лева врата и задното лево светло, а патниците останале неповредени. Причина за нападот била претходна расправија поради направена сообраќајна незгода. Увид на местото на настанот извршила екипа од СВР Куманово. Се преземаат мерки за пронаоѓање на сторителот и за целосно расчистување на случајот.