СДСМ ги повикува граѓаните да не потпаѓаат под провокации
Од општинската организација на СДСМ Куманово, во писмена реакција одговорија на обвинувањата на ВМРО-ДПМНЕ да не се злоупотребува во партиски цели тргањето на македонското знаме од јарболот во центарот на градот.
„Веќе на народот се му е јасно што се случува во државата. Познати му се сценаријата што ги правите, посебно на овој град. Оставете го Куманово на кумановчани. Тие во изминатиот период покажаа како се чува и брани мултикултуризмот и соживотот во овој град, - стои во соопштението.
СДСМ го осудува симнувањето на државното знаме на Република Македонија од јарбол во центарот на Куманово и ги повикува надлежните што поскоро да го решат случајот.
„Ги повикуваме граѓаните да не потпаѓаат под провокации коишто имаат за цел поттикнување меѓуетнички тензии, од кого и да доаѓаат, за какви било интереси и да се. Сите вакви инциденти одат во прилог на насилните политики на Никола Груевски на неговата ВМРО-ДПМНЕ, кои на овој начин гледаат обид за спас од одговорност за направените криминали, - додаваат од СДСМ.
НАЈНОВИ
-
Противпожарно возило со хидраулична скала донација од Австрија ќе добие Куманово
-
Не работи мерната станица, не се знае колкаво е загадувањето на воздухот по вчерашниот пожар во Куманово
-
Започнува 39-то издание на Меѓународната ликовна клонија "Свети Јоаким Осоговски“
-
Четворица повредени, тројца малолетници и возач, во сообраќајка во „Ајдучка Чешма“
-
Осум часа пожарникарите го гаснеле отпадот на „Индустриска“
-
Пожар во отпад за возила, црн облак од чад го покри Куманово
