Се одржа манифестацијата „Бајловски средби“

Во присуство на голем број гости од регионот и домаќини од селото, беа изведена богата културно уметничка програма и обичаи од бајловскиот крај.

„Имаше натпревар во селски спортски игри, како и натпревар за најдобра баница на жените од Бајловце и од Куманово. Во културно -забавната програма учество зедоа КУД „Срма“, КУД „Ѓоко Симоновски“ и КУД „Српски вез“ од Старо Нагоричане, Ансаблот Кратовски Тамбураши, жени од женската организација Нада Михајлова, - изјави Зоран Бојковски, претседател на Козјачија во срцето.

Централно место во програмата зазеде демонстрацијата на старата Бајловско-козјачката свадба во изведба на КУД „Ѓоко Симоновски“ и КУД „Срма“ од Куманово.При тоа беа презентирани свадбените обичаи од минатото од овој крај. Манифестацијата заврши со општо народна веселба и заедничко дружење на присутните.