Советниците на коалицијата на ВМРО-ДПМНЕ ја напуштија седницата
Советниците на коалицијата на ВМРО-ДПМНЕ ја напуштија седницата откако градоначалникот Зоран Дамјановски повеќе од половина час одговараше на поставеното прашање на советникот Максим Димитриевски за постапката за организирањето на училишниот превоз во градот.
Координаторот на советничката група Драган Петковски образложи дека тие ќе ја напуштата седницата, бидејќи градоначалникот ја користи за сопствен маркетинг.
„ Нашата советничка група одлучи да ја напушти седницата затоа што градоначалникот ја користи седницата за сопствен маркетинг за нарачани прашања. Своите прашања ќе гоставиме до службите во писмена форма, а нашата одлука ќе ја образложиме на прес-конференција„, - рече Петковски.
Откако ја соопштија одлука советниците си заминаа од салата.
Градоначалникот Дамјановски искоментира дека не е првпат советниците на коалицијата на ВМРО-ДПМНЕ да напуштаат седница, иако општината Куманово е единствена во државата каде градоначалникот и локалната администрација одговара на прашања на советниците.
Откако беше утврдено дека има кворум, седницата за советнички прашања продолжи без опозицијата.
НАЈНОВИ
-
Приведен возач во Куманово, возел со 2,37 промили алкохол и удрил во паркирано возило
-
Пуштен во употреба новиот парк во Крива Паланка
-
За април исплатена просечна нето-плата од 45.452 денари
-
Дезориентираната Левица продолжува со лаги и клевети, велат од ЗНАМ
-
Промената не е ризик – туку единствена шанса
-
Минималните трошоци во јуни зголемени за 790 денари, синдикалната кошничка е 64.689 денари, според ССМ
