Спасовски: Повисоки плати и правда за сите
Носителот на листата на СДСМ во втората изборна единица, Оливер Спасовски, денеска го обвини ВМРО-ДПМНЕ и Никола Тодоров дека ја лажат македонската јавност со федерализации и поделби на државата, затоа што се плашат од пораз на изборите на 11 декември.
„Граѓаните ќе изберат повисоки плати, пензии кои ќе ги следат животните трошоци и просечна плата од 30.000 денари. Затоа оттука од срцето на Куманово им порачувам дека никакви лаги за федерализации, за поделби нема да ги спасат од тешкиот пораз на 11 декември, изјави Спасовски и додаде дека граѓаните се изморени од коруптивната власт и лажните ветувања.
„Граѓаните ќе се одлучат да има правда за сите. Да има правда и правичност за секој граѓанин подеднакво. Ќе се одлучат да се врати украденото, а криминалците никогаш повеќе да не управуваат со нашите животи. Тодоров, Груевски и ВМРО-ДПМНЕ можат да лажат за што сакаат и колку сакаат, граѓаните веќе одамна не им веруваат – рече Спасовски од градскиот плоштад во Куманово.
НАЈНОВИ
-
По три дена изгаснат пожарот во Ваксинце, настанал од запалена „дива“ депонија
-
Поради заштита од пожари целосно се забранува движење во шума од 1 јули до 31 август
-
Во Крива Паланка се гради првата монтажна гаража со 166 паркинг места
-
Повреден градежен работник во Куманово
-
Гореше нива со жито, лозја и нискостеблеста шума во Клечовце и Довезенце
-
Во Куманово во мај се запишале 850 првачиња, фалат уште 684 родени во 2019
