Стечајците се борат за корка леб

Тие уште еднаш побараа од актуелната власт да го реши нивниот статус.

“Цела Македонија е на нозе. Некој се бори за власт некој за спас на државата, а ние за корка леб, за да бидеме колку-толку нормални граѓани на ова општество. Ги бараме нашите права, бидејќи ние сме истерани од нашите работни места без никаков надомест.Имаме право да бидеме обешететени, - изјави претседателката на УНИТ Лилјана Ѓоргиевска.

Стечајците бараат по 6 000 денари месечен надомест и да се признае стажот за пензија. Стечајните работници за наредната недела најавуваат блокади на автопатот Куманово-Скопје.