Тодоров најави изградба на водовод во Пчиња
Носителот на изборната листа од втората изборна единица од Коалицијата „За подобра Македонија" Никола Тодоров и кандидатите за пратеници од оваа изборна листа, синоќа одржаа мини митинг во селото Пчиња, при што вети дека ќе изгради водовод и пат од Куманово до нивното село.
Тој на жителите од Пчиња им ги презентираше проектите опфатени во програмата „Реално“ кои се однесуваат на ова населено место, изградба на водовод и на пат од Куманово до Пчиња во вредност од околу 60-тина милиони денари. Тој побара поддршка од жителите на Пчиња, како што рече,како и секогаш од ова место, да се соберат и да прослават десетта по ред голема победа на ВМРО ДПМНЕ и Коалицијата „За подобра Македонија“
Тодоров рече дека тие ветуваат и работат согласно реалната програма, која, како што рече, за разлика од другата политичка опција, како гаранција го има отчетот. Тодоров потенцира дека е намалена невработеноста од 38,8 на 24 проценти, отворени се над 160.000 нови работни места, направени се нови патишта, инвестиции во здравство, образование, изградени се нови градинки, воведени се бесплатни учебници, намалена е партиципацијата.
Пред жителите на Пчиња се обратија и кандидатите за пратеници.
НАЈНОВИ
-
По три дена изгаснат пожарот во Ваксинце, настанал од запалена „дива“ депонија
-
Поради заштита од пожари целосно се забранува движење во шума од 1 јули до 31 август
-
Во Крива Паланка се гради првата монтажна гаража со 166 паркинг места
-
Повреден градежен работник во Куманово
-
Гореше нива со жито, лозја и нискостеблеста шума во Клечовце и Довезенце
-
Во Куманово во мај се запишале 850 првачиња, фалат уште 684 родени во 2019
