Вечер со музика на Трајко Прокопиев

На концертот ќе настапата солистите Гонца Богоромова и Кристијан Антовски, и Андреј Наунов на пијано. Тие ќе се претстават пред публиката со дела на Прокопиев , Моцарт, Сарти, Верди и Офенбах.

Концертот се организира по повод патронатот, 35 години, Центар за култура „Трајко Прокопиев“ и ќе се одржи во малата сала со почеток во 19.30 часот.

Трајко Прокопиев е роден 1909 во Куманово. Македонски композитор на класична музика, диригент и автор на филмска музика. Познат е по употребата на историски, митолошки и народни мотиви од културната ризница на македонскиот народ во неговите дела. Починал во Белград во 1979 година.