Ветераните пред споменикот на Вера Которка

При тоа со полагање на букети свежо цвеќе и со историски час ја одбележаа 72- годишнината од погибијата на младата партизанка – гимназијалка од Куманово, која во една борба со бугарската фашистичка војска загина за слободата на Македонија на 11 април 1944 година на својата 19-годишна возраст.

-Не пропуштивме и овојпат да го посетиме споменикот на Вера Которка на Пониква и да и’ оддадеме должна почит на нашата млада хероина која со својата храброст и пожртвуваност беше рамо до рамо со своите другари соборци во сите пресудни и победоносни борби. Оваа предана скоевка и Карпошовка е еден од најсветлите ликови од нашата НОВ и револуција, а ние доаѓаме за да му се поклониме на нејзиното свето дело – изјави за Кумановоњус претседателот на Здружението на армиски и полициски ветерани од активен и резервен состав на Куманово, Драган Стојмановски.

За ликот и делото на Вера Которка пред нејзиониот споменик говореше портпаролот на Здружението на ветераните Борко Стојановски. Потоа ветераните пред споменикот посадија неколку украсни дрвја, а по што, организираа неколку часовно другарување во придружба и на тричлена делегација од СДСМ на Кочани кои се обврзаа почесто да го посетуваат и одржуваат спомен – обележјето на Вера Которка.