Виктор Петковски по втор пат го фати крстот во „Свети Никола„

Петковски беше најсреќан од дваесетината момчиња кои ја продолжија традицијата и за големиот празник Богојавление-Водици скокаа по крстот.

„ Очекувам многу здравје, среќа, мир и благослов на сите. Се надевам дека оваа година среќата ќе ми донесе вработување , - изјави Виктор.

Од црквата и спонзорите среќното момче доби икона и подароци.

Тој скока по крстот по седми пат, но не се надевал дека ќе го фати, бидејќи и пред една година крстот завршил во неговите раце. Им препорачува на сите млади да се охрабрат и да скокаат по крстот и да го почувствуваат задоволството  верската припадност.

На фрлањето на светиот крст во базенот на црквата „Свети Никола“ присуствуваа голем број на граѓани. Откако запалија свеќи и се помолија за здравје, верниците наполнија од осветената вода.