Во „Боро Менков“ одбележан Денот на меѓународен совет за воени спортови

Одбележувањето започна со постројување на единиците, свечено отварање на Денот на меѓународен совет за воени спортови, екипно натпреварување во влечење јаже, мал фудбал, пинк понг, шах и кошарка.

Овој спортски настан истовремено се одржува во сите гарнизони на АРМ, единаесетта година по ред, под мотото „Спорт за сите“.

Република Македонија во мај 2005 година е примена како 127 земја членка во овој совет, со што се стекна право на учество на сите меѓународни состаноци и спортски натпревари во негова организација. За овој настан се предвидува 18- ти февруари, ден на кој во далечната 1948 година е формиран Меѓународен совет за воени спортови.

Целта на овој проект е промовирање на здравјето, физичката кондиција и пријатно чувство низ активности достапни за секој припадник, преку мотото “Спорт за сите”. Заради промовирање на здравјето, физичката кондиција и психофизичкиот ментален склоп кај секој припадник на АРМ, низ спортски активности развивајки пријатно чувство и поголем елан за работа, транспарентност, но и создавање општа култура за спортување.

Со развојот на воените спортови застапени во повеќе дисциплини, АРМ е отворена за учество на цивилните структури во Република Македонија, со што активно се вклучува во проектот на „Пријателство преку спорт“ преку кој придонесува и во развојот на спортот и спортската култура во Република Македонија.