Во Кумановскиот суд продолжува судењето против Зоран Заев
Во Основниот суд Куманово денеска подолжува судењето против лидерот на СДСМ Зоран Заев и претседателот на општинската организација Куманово Мартин Коствосвки, по приватна тужба на генералниот секретар на ГРОМ и поранешен висок функционер на СДСМ, Виктор Цветковски, за објавување на прислушуваните разговори во бомбите.
На денешното рочиште своја одбрана треба да дадат Заев, Костовски и Дамјан Манчевски како претставник на СДСМ.
На минатото судење исказ даде оштетениот Цветковски, а беа сослушани сведоците: градоначалникот Зоран Дамјановски, Трајче Трајковски, Зоран Петрушевски и Маја Димиќ, клиентка на Цветковски.
Заев и Костовски се изјаснија дека не се виновни за делото за кое се товарат.
Цветкоски ги тужи високите функционери на СДСМ заради објавување на разговорите меѓу него и поранешната министерка Гордана Јанкуловска каде се договараат за обезбедување гласови на ВМРО-ДПМНЕ меѓу двата круга на локалните избори во 2013 година во Куманово. Тој претходно поднесе тужба до Специјалното јавно овинителство, но му беше отфрлена.
НАЈНОВИ
-
По три дена изгаснат пожарот во Ваксинце, настанал од запалена „дива“ депонија
-
Поради заштита од пожари целосно се забранува движење во шума од 1 јули до 31 август
-
Во Крива Паланка се гради првата монтажна гаража со 166 паркинг места
-
Повреден градежен работник во Куманово
-
Гореше нива со жито, лозја и нискостеблеста шума во Клечовце и Довезенце
-
Во Куманово во мај се запишале 850 првачиња, фалат уште 684 родени во 2019
