Вонредна дезинфекција против грип во градинките и болницата

Центарот за јавно здравје започна вонредна дезинфекција за превенција од сезонски грип во градинката „Ангел Шајче„ и Општата болница Куманово.

„Акцијата е при крај се одвиваше вчера и денеска. Извршена е дезинфекција во сите објекти во градинките и на одделенија каде што се хоспитализирани болните од грип. Во текот на зимскиот распуст ќе се дезинфицираат и сите училишта, - изјави Јадранка Стаменковска, епидемиолог од Центарот за јавно здравје Куманово.

Доктор Стаменковска вели дека бројката на заболени од сезонски грип во градот секојдневно се зголемува . Во текот на минатата недела регистрирани се нови 278 случаи на заболени од грип или слична сотојба на грип што е за 150 повеќе во однос на предходната недела. Најризична група се лицата на возраст од 17 до 64 години.  Според податоците на Институтот за јавно задрвје Куманово е трет град во државата со 728 заболени од сезонски грип, по Тетово и Скопје.