Започна пливачката сезона за учениците

На симболичен начин денеска се одржа првиот пливачки час, во присуство на наставниците, директорите и претставници од општинската администрација.

„Дневно ќе се одржуваат по 6 часа или 140 часа месечно. Досега се пријавени 2000 ученици кои знаат да пливаат и имаат согласност од нивните родители. Со децата ќе работат 8 професори, а за нивната безбедност ќе се грижат 4 професионални спасувачи. Наскоро ќе се изгради помал базен во состав на комплексот, каде ќе се врши обука на непливачите. Ги повикувам родителите да дозволат децата да се занимаваат со пливачките спортови заради нивното здравје, а спортските работници да формираат повеќе пливачки клубови, - изјави градоначалникот Зоран Дамјановски.

За воншколските спортски активности на околу 4.000 ученици, Општина Куманово месечно ќе ја субвенционира работата на безенот со 700.000 до 900.000 денари. Одлуката беше изгласана на последната седница на Совет.