Започна вакцинацијата против сезонски грип

Вакцинацијата започнала од вчера, а интересот на граѓаните е многу голем.

„Оваа година набавивме 1400 вакцини од холандски производител и за два дена се потрошени 190. Цената е 400 денари. Ги повикувам сите граѓани кои имаат над 65 години, хронично болните, посебно оние со срцеви и белодробни заболувања, како и вработените во јавната администрација и здравствените работници да се заштитат од сезонскиот грип за да се спречат евентуални компликации, - вели др. Јадранка Стаменковска, епидемиолог.

Имунизацијата против сезонски грип се врши секој ден од 7 до 15 часот во просториите на Центарот за јавно здравје.