Жители на три улици кај „Циглана“ бараат асфалт

Тие истакнаа дека иако се наоѓаат на неколку стотини метри од центарот на градот, со години наназад газат кал и се гушат во прашина. Тврдат дека градоначалникот Зоран Дамјановски по последните локални избори не го исполнил ветувањето дека улиците се приоритет во неговоата програма.

 “Пред повеќе од 3 години заедно со сегашниот претседател на општинскиот Совет, ветувавте многу работи меѓу кои и решавање на нашиот проблем. Да ве потсетиме, неколку месеци до завршување на вашиот мандат а улиците „Тошо Ангеловски-Ѕидар“ и „Гиго Цветковски“ се уште не се асфалтирани, додека пак улицата „Јоско Илиевски“ се уште е несанирана и на многу места недовршена, што само уште повеќе го зголемува нашето разочарување, - изјави Горан Гелевски.

 Тој побара квалитетно афалтирање на улиците, а не привремено решение со тампонирање или бекатони, како што рече, кампањско шминкање за залажување на граѓаните.