Фалат дефектолози и логопеди во училиштата
Како да се реши проблемот со немање стручен кадар од дефектолози и логопеди во основните и средни училиштата во градот, расправаа претставници од образованието, општината и родители на денешната трибина „Состојба и предлог мерки за олеснување на инклузијата во образовниот процес на лица со посебни потреби во Општина Куманово„.
„Во Куманово околу 400 деца се вклучени во инклузивно образование, а од 22 училишта само во четири има вработено дефектолози кои можат да дадат стручна помош на лицата кои имаат потреба во редовната настава. Имаме дипломиран стручен кадар, кој не може да влезе во образованието затоа што немаме согласност од министерството“,- рече Жика Крстевски, раководител на Секоторот за образование.
На трибината беше истакнато дека токму поради малиот број на стручен кадар во училиштата, неможе да се обезбеди професионална грижа на учениците.
„Не можете да вклучите деца со попреченост ако нема соодветен стручен кадар, дефектолог, логопед, психолог, стручен тим којшто во секој момент треба да излезе во пресрет на ученикот“,- рече Горан Петрушев, претседател на Сојузот на дефектолози на Македонија.
На трибината беше заклучено дека дополнителен проблем во Куманово е тоа што нема развиено мрежа на самостојно живеење со поддршка на лицата со попреченост, ниту згрижувачки семејства кои прифаќаат деца со попреченост.
НАЈНОВИ
-
Приведен возач во Куманово, возел со 2,37 промили алкохол и удрил во паркирано возило
-
Пуштен во употреба новиот парк во Крива Паланка
-
За април исплатена просечна нето-плата од 45.452 денари
-
Дезориентираната Левица продолжува со лаги и клевети, велат од ЗНАМ
-
Промената не е ризик – туку единствена шанса
-
Минималните трошоци во јуни зголемени за 790 денари, синдикалната кошничка е 64.689 денари, според ССМ
