Куманово промотор на олимпизмот

 Манифестацијата ќе се одржи на атлетскиот полигон на средното училиште Наце „Буѓони“, а ќе присуствуваат претставници од МОК, луѓе кои дале белег на олимписките игри, спортисти и ученици.

„ Чест ни е што Куманово е избрано да го промовира олимпизмот, бидејќи сме олимписки град. Ние имаме тројца олимпијци кои освоиле награди на некои од Олимписките игри. Аце Русевски, Реџеп Реџеповски и Бранимир Јовановски“- рече градоначалникот Зоран Дамјановски.

Прославата е закажана во 11 часот, а ќе земат учество екипите на основните училиште „Крсте Мисирков„ и „Браќа Миладиновци“ во кошарка, футсал, и трка на 200 метри. 

Манифестацијата е под покровителство на Македонскиот олимписки комитет, а ќе присуствува и нејзиниот претседател.