На Табановце мирно и без инциденти

Според раководителот на центарот Горан Стојановски, вчера се одржал 15 минутен мирен протест во кој мигрантите барале да бидат пропуштени кон Република Србија.

„За денеска нема најавено никакви протести бидејќи српската граница е отворена и протокот се одвива непречено. Пред малку пристигна воз со 400 мигранти и тие го продолжија својот пат кон Република Србија, - изјави Стојановски.

Во транзитниот центар моментно има 848 бегалци.