Зачленете се во нашиот клуб на читатели и најновите текстови ќе ги добивате на вашата мејл адреса
Министерството за економија го објави јавниот повик за кофинансирање на трошоци на занаетчии и вршители на занаетчиска дејност со кој се покриваат до 60 отсто од докажаните трошоци за набавка на алати и репроматеријали во 2020 година, но не повеќе од 60.000 денари.
Согласно Програмата за конкурентност, иновации и претприемништво за 2020 година, предвидени се средства во вкупен износ од 20 милиони денари. Ќе бидат кофинансирани докажаните трошоци за набавки направени во 2020 година.
Право на учество имаат занаетчии и вршители на занаетчиска дејност кои се регистрирани и ги исполнуваат следните услови: да имаат деловно седиште на територијата на државата, најмногу 5 вработени на неопределено работно време, намирени обврски кон државата и вработените.
Крајниот рок за аплицирање по овој јавен повик е до 27.11.2020 година до 14 часот.
Зачленете се во нашиот клуб на читатели и најновите текстови ќе ги добивате на вашата мејл адреса
