Отворена изложба на слики на Маја Јаќимовска

Изложбата содржи двесеттина дела работени во масло на платно.

Оваа е моја прва самостојна изложба. Делата започнав да ги работам кон крајот на моите студии и продолжив да работам и по дипломирањето, изјави Јаќимовска.

Историчарот на уметност од кумановскиот Центар за култура, Роберт Цветковски изјави дека Јаќимовска е мошне интересен автор, бидејќи како основа на своето сликарство го третира вечерното светло и ефектите кое тоа ги произведува.

Маја Јаќимовска е родена 1991 година во Крива Паланка. Дипломирала на Факултетот за ликовни уметности во Скопје. Добитник е на втора награда на 7. Студентско интернационално арт биенале, а учествувала и на повеќе групни изложби во земјата и во странство.Изложбата се реализра со поддршка на Министерството за култура.