Премиера на „Волшебникот од Оз„

Иако се работи за претстава за деца која е напишана повеќе од 100 години, сеуште е актуелна. Една тема со возбудливи и интересни ликови, преку возбудливи ситуации, кои трагаат по вистинските вредности во животот, кои, всушност, секој човек си ги носи во себе, а треба само упорност и чесни постапки во животот да ги пронајде и да стигне до нив, - рече режисерката Краљевска.

 Во претставата играат: Сања Русеска, Марко Трајковиќ, Мартин Лазаревски, Александра Михајловска, Кети Дончевска Илиќ, Горан Илиќ, кои треба да ја освојат и задржат детската публика.

 За секој актер е големо задоволство, покрај другиот репертоар за возрасни, да работи за деца. Тоа е публика која што навистина искрено гледа, искрено ни се радува и во претставата и после неа. Се надевам дека тоа уживање и таа еуфорија што ние ја имаме на сцената ќе ја пренесеме на публиката и со младите луѓе ќе воспоставиме одличен флуид, - изјави  актерката Кети Дончевска Илиќ, која ја игра вештерката.

Во Кумановскиот театар по долга пауза повторно започнаа да се играат претстави за деца. По “Пинокио“ сега и „Волшебникот од Оз“

Почетокот на претставата е во 18.30 часот, а првтат реприза во сабота во 12.30 часот.