Прво и второ место за тенисерите на „Тумба“ на Отвореното првенство на Македонија за јуниори

Во финалето се сретнаа двајца кумановски тенисери од ТК „Тумба“ – Алексеј Стојановски и Марин Стефановски, со што клубот обезбеди одличен резултат и доминација во завршницата на турнирот.

„Стојановски одигра одличен турнир и во финалниот меч славеше против својот клупски колега Стефановски со 6-2, 6-3, со што ја освои шампионската титула во категоријата до 16 години. За Стефановски, пласманот во финалето е исто така голем успех и потврда за квалитетот и потенцијалот на младите тенисери на ТК „Тумба“ Куманово“, велат од клубот.

Двојното финале е уште еден значаен резултат за кумановскиот тенис и спорт.