Се реновираат просториите на Центарот за лица со попреченост

Министерството за труд и социјална политика, преку проект на Европската Унија обезбеди 1,5 милион денари за создавање на подобри работни и  услови за престој на штитеницита и вработените во домот.

„Најголемото реновирање е во дневниот центар каде што имаме извршено промена на подот на старите прозорци, фасадата, уредување на тоалетите во дневниот центар и  молерско- фарбарски работи кои се уште траат,- изјави Даниел Живачки, директор на Центар за социјални работи.

Реновирањето на дневниот центар трае веќе триесетина дена, а дел од 26-те корисници на услугите престојуваат во „ Порака наша“. Надлежните очекуваат дека за две недели корисниците ќе можат да се вратат во центарот и во подобри услови ќе продолжат со едукацијата и работните активности.

Истовремено се работи и на реновирање на Центарот за социјална работа.