Со германски пари ќе се опреми кабинет по моден дизајн

Договорот за финансирање на опрема за кабинет по моден дизајн во висина од 3.687 евра е веќе потпишан.

Текстилната и чевларската индустрија имаат долга традиција во Куманово, а опремата на училницата за моден дизајн претставува поддршка за подобра квалификација во струката на учениците од училиштето „Перо Наков“.

Германската поддршка е дел од средствата на Сојузното министерство за економска соработка и развој, со кои се поддржуваат мали проекти во рамките на техничката соработка.