Традиционалниот маскенбал „Батко Ѓорѓија„ во сабота

Учество ќе земат над 2000 ученици со 40 маски од градинките, основните и средни училишта.

„Маскираните ќе прошетаат по улиците во централното градско подрачје и во 11 часот ќе стигнат на Градскиот плоштад каде ќе бидат оценети од стручното жири. Ќе поделиме 10 награди, во сите категории по три и специјална за иновација. И оваа година ќе имаме гости од Струмичкиот карневал, кои ќе се претстават пред нашата публика, - рече Цоки Ристевски, раководител во секторот за култура.

Кумановскиот маскенбал се одржува 12 години по ред и има амбиции да влезе во Европската федерација на маскенбали.