ВМРО-ДПМНЕ: Општината плаќала 1000 пати поскап превоз
Од општинскиот комитет на ВМРО-ДПМНЕ денеска повторно го обвинија градоначалникот Зоран Дамјановски и фирми блиски до СДСМ, дека вршеле малверзации со училишниот превоз во градот.
Во настојувањето да покажат дека Дамјановски организирал поскап превоз од градоначалникот на Битола, Владе Талевски, кој е во куќен притвор поради истрага на специјалното јавно обвинителство, претседателот на младите на ВМРО-ДПМНЕ Марио Цветковски, денеска направи споредба за поедини релации.
„Ако општина Битола организира превоз на дестинација Битола-Лавци во должина од 3.2 километри и цената поединечно по ученик изнесува 12.18 денари, општина Куманово за превоз на ученици на дестинација Спомен Костурница-ОУ „11 Октомври“ и обратно во должина од 2.2 км., цената на превоз поединечно по ученик изнесува застрашувачки 12.545 денари. Општина Куманово плаќа 1.029 пати повеќе поединечна цена по ученик за помала дестинација„, - изјави Цветковски.
На новинарско прашање зошто ВМРО-ДПМНЕ доколку има докази за толку голем криминал не ги обелодени штетните договори, Цветковски одговори дека тие само располагаат со информации на загрижени граѓани кои ги интересира каде одат парите на граѓаните и го повика Јавното обвинителство да отвори постапка за општина Куманово и да го испита случајот.
НАЈНОВИ
-
Не работи мерната станица, не се знае колкаво е загадувањето на воздухот по вчерашниот пожар во Куманово
-
Започнува 39-то издание на Меѓународната ликовна клонија "Свети Јоаким Осоговски“
-
Четворица повредени, тројца малолетници и возач, во сообраќајка во „Ајдучка Чешма“
-
Осум часа пожарникарите го гаснеле отпадот на „Индустриска“
-
Пожар во отпад за возила, црн облак од чад го покри Куманово
-
Поради топлотниот бран да не се работи на отворено од 11 до 17 часот, препорачува ИЈЗ
