Забрането палење на стрништа
Забрането палење на стрништа, плевел и други растителни отпадоци во ловиштата и друг земјоделски отпад на земјоделско земјиште како превентивна мерка за заштита на шумски пожари.
Ова го соопштуваат од Министерството за земјоделство и шумарство, кои бараат граѓаните да ја почитуваат одлуката.
„За не почитување на одредбите од ова забрана се предвидува глоба во износ од 1500 до 3000 евра во денарска противвредност за прекршок на физичко лице согласно од Законот за ловството, - се вели во соопштението на МЗШВ.
И од Територијалната противпожарна единица Куманово апелираат до граѓаните да бидат внимателни со оган и запаливи сретства на отворено за да не предизвикаат пожар.
За поголема заштита и заедничко превентивно делување, се препорачува: да не се пали оган на отворен простор, да не се палат стрништа и меѓи, да не се фрлаат стаклени шишиња и друга стаклена амбалажа на отворен простор, да не се врши палење на отпад и друг горлив материјал и да не се фрлаат отпушоци од цигари во шума и на друг отворен простор.
Во изминатите неколку дена поради високите температури имаше пожари на повеќе локации на градот, кога гореше сува трева и грмушки.
НАЈНОВИ
-
Не работи мерната станица, не се знае колкаво е загадувањето на воздухот по вчерашниот пожар во Куманово
-
Започнува 39-то издание на Меѓународната ликовна клонија "Свети Јоаким Осоговски“
-
Четворица повредени, тројца малолетници и возач, во сообраќајка во „Ајдучка Чешма“
-
Осум часа пожарникарите го гаснеле отпадот на „Индустриска“
-
Пожар во отпад за возила, црн облак од чад го покри Куманово
-
Поради топлотниот бран да не се работи на отворено од 11 до 17 часот, препорачува ИЈЗ
